Kryetari i Lidhjes Demokratike të Kosovës (LDK), Lumir Abdixhiku përmes një video ka uruar Kosovën në 15 vjetorin e Pavarësisë së saj duke theksuar se 17 shkurti është kulmim i përpjekjes së gjeneratave të tëra për liri, pavarësi e demokraci.

“Të mirët tanë lartnuan shtetin, të drejtit i dhanë shkëlqimin e përditshëm. Të gjithë bashkë i bëmë vendin – të barabartë mes popujve të lirë. Në këtë ditë kujtojmë aktin themeltar të Republikës së Kosovës, presidentin Ibrahim Rugova, sakrificën e Jasharve, sakrificën kolektive”, ka thënë Abdixhiku.

Sipas tij ky rrugëtim duhet të vazhdojë dhe ska kthim mbrapa.

“Sepse ky rrugëtim s’ka kthim mbrapa. Sepse Kosova, atdheu ynë, është i përhershëm. Sepse Republika është e pavdekshme. Urime dita e Pavarësisë Kosovë. Të paqim përgjithmonë”, tha tutje Abdixhiku./arbresh.info